ОРГАНИЗАЦИЯ КОНЦЕРТОВ И ВЫСТУПЛЕНИЙ: +7 701 949 1936

ОРГАНИЗАЦИЯ КОНЦЕРТОВ И ВЫСТУПЛЕНИЙ: +7 701 949 1936

Статья в «Уйғур авази»

Дилмурат БАҺАРОВ: «Мухлислиримизға баһар кәйпиятини һәдийә қилимиз».

 

«Уйғур авази» 10 март, 2017 жил

Бәхтишат СОПИЕВ,«Уйғур авази»/ 17-март күни Җумһурийәт сарийида Қазақстандики әң аммибап топларниң бири — «Дәрвишләрниң» концерти болиду. Бир күндә икки концерт өтиду. Вақиә һарписида биз топ рәһбири Дилмурат БАҺАРОВни сөһбәткә җәлип қилған едуқ.Дилмурат, «Дәрвишләрниң» бу концерти бир сәнәгә мунасивәтликму яки униң башқа сәвәплири барму?

— Бу йәрдә һечқандақ сәнә йоқ, пәқәт мухлислиримиз алдида һесават беридиған пәйт келип қалғандәк. Андин өзимизму «Биз немә қилдуқ?» дегән соалға җавап бәргүмиз бар. Бу концерт аллиқачан өтүши керәк еди. Чүнки, биринчидин, буниңға елимиздики ихтисадий боһран сәвәп болди. Барлиқ саһада йүз бәргән еғирчилиқларни әскә алған һалда, уни кейингә қалдурдуқ. Иккинчидин, йеңидин йоруқ көргән «Моя музыка» альбомимизни йәнә бир қетим «варақлап» өтүшни тоғра көрдуқ. Шу арқилиқ мухлислиримизға баһар кәйпиятини һәдийә қилмақчимиз.

 

«Дәрвишләрниң» иҗадийитидә қандақ йеңилиқлар бар?

 

— Иҗадийәт бир қелипта кетип бариду. Адәттикидәк һәптисигә икки қетим баш қошуп, мәшиқлинимиз. Дәсләпки хитлиримизни қайта ишләватимиз. Хәлиқ нахшилирини заманивий үлгидә ейтишқа җиддий көңүл бөлүватимиз.

Бу қетим тамашибинлар «Дәрвишләр» топиниң асасини салғучиларниң бири — композитор Адилҗан Җанбақиевни көрүш имканийитигә егә боламду?

— Һәрқандақ коллективта өзгиришләр, бәс-мунаризиләр болуп туриду. Чүнки биз — иҗадийәт адәмлири. Арилиқта Адилҗан Уйғур театриниң мудири болуп ишлиди. Ахирқи вақитларда у кино саһасиға көп көңүл бөлүватиду. Униң иниси, кино саһасида хелә утуқларға қол йәткүзгән Әзиз Җанбақиев биләнму қоюқ арилишимиз. Һәр иккилиси әҗайип талантлиқ жигитләр. Бир сөз билән ейтқанда, Адилҗан билән мунасивитимиз үзүлмиди. Һәрқайсимиз өз йолумиз билән кәттуқ.

Бир күндә икки концерт қоюш мүмкинму?

— Билетларниң тез сетилип кетишигә бағлиқ шундақ қарарға кәлдуқ. Өзимиз күтмигән едуқ. Буниңға биз алдин-ала тәйярланмидуқ, пәқәт мухлислиримизниң илтимасиға бенаән, шундақ қилишқа тоғра келиватиду. Буниңға хошал болуштин башқа гепимиз йоқ. Демәк, бизни тиңшайдиғанлар көпийиватиду. Бизгә болған бу һөрмәтни һечқачан унтумаймиз һәм дайим қәдир тутимиз. Һәр иккила концертниң программиси охшаш вә, әлвәттә, мухлислиримизниң ишәнчисини ақлашқа тиришимиз. Пурсәттин пайдинип, мухлислиримизни концертқа тәклип қилимиз.

Бәхтишат СОПИЕВ.

http://uyguravazi.kazgazeta.kz/?p=28823#more-28823

Добавить комментарий


Защитный код
Обновить

fashion journal